सुदूरपश्चिम प्रदेश  नेपालको संविधान २०७२ लागू भएपछि वि=सं= २०७२ असोज ३ गते राज्य पुनर्संरचना गरी बनेका ७ प्रदेशहरू मध्ये एक हो । देशलाई संघीय ढाँचामा लगेर पुनर्संरचना गर्ने उदेश्यका साथ स्थापना गरिएको यो प्रदेश नेपालको सुदूरपश्चिम भागमा रहेको प्रदेश हो । 


यस प्रदेशमा जम्मा ९ वटा जिल्लाहरु बाजुरा, बझाङ, डोटी, अछाम, दार्चुला, बैतडी, डडेल्धुरा, कञ्चनपुर, कैलाली रहेका छन् । उक्त ९ वटा जिल्लाहरू ८८ स्थानीय तहमा विभाजित छन् जस अन्तर्गत १ उपमहानगरपालिका, ३३ नगरपालिका र ५४ गाउँपालिकाहरू समावेश गरिएका छन् । 


वि=सं= २०६८ को जनगणना अनुसार यस प्रदेशमा २५ लाख ५२ हजार ५१७  जनसङ्ख्या रहेकोछ भने जनघनत्व १३०=६४ जना प्रति वर्ग किलोमिटर रहेको छ । यस प्रदेशको राजधानी धनगढीमा रहेकोे छ । यस प्रदेशमा हिन्दू, ईसाई,  बौद्ध र इस्लाम धर्म मान्ने मानिसहरुको बसोबास रहेको छ ।


यस प्रदेशको सिमाना उत्तरमा चीनको स्वायत्त क्षेत्र तिब्बत, पूर्वमा कर्णाली प्रदेश, पश्चिममा र दक्षिणमा छिमेकी मुलुक भारत पर्दछ ।