प्रदेश नं. २ नेपालको संविधान २०७२ लागू भएपछि वि.सं. २०७२ असोज ३ गते राज्य पुनर्संरचना  गरी बनेका ७ प्रदेशहरू मध्ये एक हो । देशलाई संघीय ढाँचामा लगेर पुनर्संरचना गर्ने उदेश्यका साथ स्थापना गरिएको यो प्रदेश नेपालको दक्षिणी भागमा रहेको प्रदेश हो ।


यस प्रदेशमा जम्मा ८ वटा जिल्लाहरु सप्तरी, सिराहा, धनुषा, महोत्तरी, सर्लाही, रौतहट, बारा र पर्सा रहेका छन् । उक्त १४ वटा जिल्लाहरू १ सय ३६ स्थानीय तहमा विभाजित छन् जस अन्तर्गत १ महानगरपालिका, ३ उपमहानगरपालिका, ७३ नगरपालिका र ५९ गाउँपालिकाहरू समावेश गरिएका छन् ।


वि.सं. २०६८ को जनगणना अनुसार यस प्रदेशमा ५४ लाख ४ हजार १४५ जनसङ्ख्या रहेको छ । २०७४ माघ ३ गते भएको मन्त्रिमण्डलको बैठकको निर्णय अनुसार यस प्रदेशको अस्थायी राजधानी जनकपुर उपमहानगरपालिका घोषित गरिएको छ ।
 
यो प्रदेश ७ वटा प्रदेशहरु मध्ये आकारमा सबैभन्दा सानो प्रदेश हो तर जनसङ्ख्याको हिसावले दोश्रो ठूलो प्रदेश हो । यस प्रदेशको पूर्वमा प्रदेश नम्बर १ को सुनसरी जिल्ला तथा कोशी नदी र कोशी टप्पु वन्यजन्तु आरक्षण, पश्चिममा प्रदेश नम्बर ३ को  चितवन जिल्ला तथा चितवन राष्ट्रिय निकुञ्ज र पर्सा राष्ट्रिय निकुञ्ज, उत्तरमा प्रदेश नम्बर ३ को मकवानपुर जिल्ला र सिन्धुली जिल्ला तथा चुरे पर्वत श्रृङ्खला र प्रदेश नम्बर १ को उदयपुर जिल्ला र दक्षिणमा भारत पर्दछ ।


यो प्रदेश धार्मिक र सांस्कृतिक पर्यटनको लागि अत्यन्तै महत्वपूर्ण केन्द्रको रुपमा मानिन्छ। यो मिथिला क्षेत्रको रुपमामा पनि परिचित मानिन्छ । यस प्रदेशका प्रमुख नदीहरुमा कोशी, बागमती, कमला, लखान्दी हुन् । यस प्रदेशका मानिसहरुले बोल्ने मूख्य भाषा मैथिली, भेजपुरी, अवधि र नेपाली हो । यस प्रदेशमा रहेको विरगञ्ज भन्सार नेपालकै आर्थिक मेरूदन्डको रुपमा रहेको भन्सार हो ।