प्रश्न गर्ने ठाउँ किन पनि छ भने शासन व्यवस्थामा प्रत्यक्ष संलग्न ७ सय ६१ सरकार र अनगिन्ती सल्लाहकारको विवेकले दिएको सल्लाहमा खोई त ‘मोडेल सरकार ?’ तीनै तका कुनै सरकार पनि रोलमोडेल सरकारको रुपमा विकास हुन नसक्नुको जिम्मेवार को हो ? हो, तपाई स्वतन्त्र रुपले आफ्ना योग्यता र क्षमता प्रयोग गर्न असमर्थ हुनुहुन्छ । यो कुरा आम जनताले बुझ्न थालेका छन् । किनकी जसरी ज्ञान नभएका चालकहरुले निर्देशन दि“दा सवारीसाधन गन्तव्यमा पुग्न पक्कै अप्ठ्यारो हुन्छ त्यस्तै समस्या सरकारका प्रमुख (तपाईं)ले अवस्य भोगी रहनुभएको छ । स्वदेश र विदेशका प्रत्येक नेपाली स्थानीय र प्रदेशमा एक–एक वटा मोडेल सरकार हेर्न चाहान्छन् । तपाईंहरुले विभिन्न पार्टीबाट टिकट लिएर निर्वाचित भएर सरकार प्रमुख बन्नुभएका कारण पार्टीको पनि सल्लाह र सुझाव लि“दा समस्या पक्कै भएको होला । विकास निर्माणमा तपाईका विज्ञहरुले यो परिवर्तित सन्दर्भमा पनि परम्परागत सल्लाह र सुझाव मात्र दिएको मात्र होइन आफैँ पनि व्यस्तताकाकारण अलमलमा पर्नुभएको त हैन ?
सरकारी जागीर राम्रो तर सेवाप्रवाह नराम्रो, सरकारी विद्यालयका शिक्षकलाइ महँगो तालीम तथा प्रशिक्षण तर अध्यापन नराम्रो इत्यादी सुन्नुभएको छ होला ? यि विषय प्रति गम्भीर हुनुहुन्छ ? गम्भीर हुनुहुन्छ भने यति लामो समयमा के कस्ता काम गर्नु भयो ? जनचासो छ, र जनता यसको उत्तर चाहान्छन् । यि र यस्ता विषयसँग सम्बन्धित जनचासो असंख्य छन् । क्रमश यहाँहरुसमक्ष प्रस्तुत गर्दै जानेछौं ।
‘श्रम संञ्चीत जिवीकोपार्जन ऋण’ कस्तो ऋण हो र प्रवाह कसरी गर्ने : एउटा ‘श्रम सञ्चित जिवीकोपार्जन ऋण” कोष खडागर्ने । त्यो कोषमा प्रधानमन्त्री रोजगार कार्यक्रम, मुख्यमन्त्री रोजगार कार्यक्रम लगायतका रोजगारसँग मिल्दाजुल्दा कार्यक्रमका रकम बास्केट बनाएर एक ठाउँमा राख्न सकिन्छ । उक्त कोषमा जम्मा गर्न चाहाने संघ, संस्था, व्याक्ती जोकोहीले रकम जम्मागर्ने अवसर प्रदान गर्नुपर्नेछ ।
