भक्तपुर, १६ फागुन -आपसी समन्वय नहुँदा आयोजनाहरू दोहोरिने, आवश्यकताको प्राथमिकिकरण हुन नसक्ने र कार्यान्वयनमा अलमलको अवस्था आउने जस्ता समस्याहरू देखिएको छ । तहगत सरकारहरूबीच समन्वय नहुँदा कैलालीमा विकास निर्माणका काममा नै प्रभाव हुँदै आएको छ। तीनै तहका सरकार आ-आफ्नै ढंगबाट चलिरहँदा योजना छनोटबाटै समस्या शुरू हुने गरेको छ । आपसी समन्वय नहुँदा आयोजनाहरू दोहोरिने, आवश्यकताको प्राथमिकिकरण हुन नसक्ने र कार्यान्वयनमा अलमलको अवस्था आउने जस्ता समस्याहरू देखिएको छ। जिल्ला समन्वय समिति कैलालीले मातहतका १३ वटै पालिकामा गरेको अध्ययनपछि तहगत सरकारहरूबीच समन्वयको अभावले समस्या देखिएको चिचोड निकालेको छ । जिल्लाका सबै स्थानीय तहको स्थलगत अनुगमन गर्दा स्थानीय तहमा बजेट खर्च न्यून रहेको र पारदर्शिता नभएको पाइएको पनि समन्वय समितिले जनाएको छ। यसअघि देखि नै तीनै तहका सरकारबीच समन्वय नभएको विषय उठ्दै आएको छ । जिल्ला समन्वय समितिका अध्यक्ष सुर्यबहादुर थापाका अनुसार प्रदेश र स्थानीय तहबीच समन्वयको अभाव बढ्ता छ। प्रदेशका जनप्रतिनिधिले स्थानीय जनप्रतिनिधिसँग समन्वय नै गर्न नचाहने बुझाई स्थानीय सरकारको रहेको पनि थापाले बताए । योजना कार्यान्वयनँगै साझा अधिकारको विषयमा आपसी समन्वय, साझेदारी र सहअस्तित्व कायम गरेर अगाडि बढ्नु पर्नेमा प्रदेश सरकारले एकलौटी काम गरिरहेको स्थानीय जनप्रतिनिधिहरूको रहँदै आएको छ ।